Balik prisohan ang isa ka anay priso kag ginakabig Street Level Individual (SLI) matapos nadakpan sa Drug buy bust operation nga ginkasa sang gintingub nga pwersa sang Pontevedra MPS (Lead Unit), Pres. Roxas MPS kag Pilar MPS sa banwa sang Pontevedra.
Ginkilala ang nadakpan kay alyas Noynoy, 27-anyos, mamumugon kag residente sang San Esteban Village, Brgy. Rizal, Pontevedra, Capiz.
Ginabanta nagabug-at sang 50 gramos ang nakumpiskar nga iligal nga droga nga nakuha sa suspetsado kag may standard drug prize nga P64,000.
Nahibaluan nga anay na priso na ang suspek sa kasubong man nga buluhaton apang ini ang nakaguwa matapos naka-avail sang plea bargaining sadtong 2015.
Magapangatubang ini sang kaso nga paglapas sa Republic Act 9165 ukon Comprehensive Dangerous Drugs Act of 2002.
Sa karon, nagapabilin ini sa kustodiya sang Pontevedra MPS para sa nagakaigo nga disposisyon.
Sa pihak nga bahin…….
Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka High Value Individual (HVI) nga nadakpan sa drug buy-bust operation sa Barangay Cudian, Ivisan, Capiz.
Nagpositibo man ini sa drug test nga ginpatigayon sang Provincial Drug Enforcement Unit (PDEU).
Matandaan, ginkilala ang nadakpan kay Jefe Vega alyas Bading, 25-anyos kun sa diin narekober sa iya paghinakop kag kontrol ang 21 tanan ka plastic sachet sang ginasuspetsahan shabu, P100 nga buy-bust money, P6,400 nga boodle money, belt bag nagaduag itom kag isa ka unit sang motorsiklo.
Ginabanta nagabug-at sang 105 gramos ang nakumpiskar nga droga kag may standard drug prize nga P714,000. Sa karon, nagapabilin ini sa kustodiya sang Ivisan PNP para sa nagakaigo nga disposisyon. | Judy Ann Juare