LEGAZPI CITY – Tinawan-doon kan Albay Electric Cooperative (ALECO) na bako sana an syudad nin Legazpi, Tabaco asin Daraga an saindang popokusan sa pag-operar o pagdakop sa mga imbwelto sa illegal connection kundi sa bilog na probinsya kan Albay.
Segun kay ALECO Information Officer Anj Galero, ipapadagos giraray kan saindang kooperatiba an saindang paghanap asin pagdakop sa mga imbwelto digdi.
Obheto kaini na maibaba an system loss na saro sa nagpapahalangkaw kan bayadan nin kuryente.
Napapaduman o pig-aako kaya kan mga lehitimong konsumedores an mga bayadan nin huli sa system loss.
Nagtutubod si Galero, dakulang katabangan an ALECO sa mga konsumedores alagad an mga konsumedores, dapat na magbayad nin tultol asin dae maimbwelto sa illegal connection.