Nagpatigayon kahapon sang pagsinapol on-line ang mga alkalde sa bug-os nga probinsya sang Negros Occidental upod kay Provincial Administrator Atty. Rayfrando Diaz II kun sa diin ila gintalakay ang natuhoy kun sa paano maangkon ang target nga gintalana ni Governor Eugenio Jose Lacson may kaangtanan sa nagapadayon nga vaccination rollout sa mga kabanwahan kag syudad agud sa sina maangkon ang herd immunity sa pag-abot sang bulan sang Febrero 2022.
Gintalakay man sa amo nga virtual meeting kun sa paano ma-utilize ang mga vaccines nga nabaton sang probinsya halin sa gobyerno nasyonal.
Luyag igapahibalo ni Diaz nagsugod na ang radio kag social media campaign sa diin si Governor Lacson upod sa iban pa nga mga actors ang nagapanawagan sa tanan nga mga pumuluyo nga magbulig sa vaccination program sang gobyerno probinsyal.
Sa nahibaluan handom ni Governor Lacson nga makabakuna sang 100 mil ka mga pumuluyo kada semana.