Gisugdan na kagahapong adlawa, Pebrero 14, 2022 ang pagbakuna sa mga bata edad 5 hangtud 11 anyos sa Davao Oriental ubos sa kampanya kontra COVID-19 sa nasud.
Nahitabo ang kick-off ceremonies sa Barangay Sainz sa City of Mati nga gipanguluhan ni Provincial Health Officer II Dr. Reden V. Bersaldo, Mati City Health Officer Dr. Ben Hur Catbagan ug Dr. Gracita T. Berguia gikan sa Department of Healt.
Target sa probiniysa nga makabakuna ug 95,552 nga mga kabatan-onan sulod sa maong age group.
Sa pagpahigayon ug kick-off ceremonies sa nagkadaiyang LGU, adunay nagkalain-laing pakulo ang gipahigayon aron madasig ang mga ginikanan nga pabakunahan ang ilang mga anak.
Nasayran usab gihimo nga naglusad og rollout dinhi sa Davao City ang Davao Medical School Foundation (DMSF) Hospital, Brokenshire Hospital, Davao Doctors Hospital ug Amosup Seamen’s Hospital diin anaa sa dul-an 300 ka mga bata ang gibakunahan.
Magpadayon ang pagbakuna sa pediatric group 5-11 years old hangtud ugmang adlawa Miyerkules sa SPMC sanglit Huwebes hangtud Biyernes gitagana alang sa booster shots. BNFM-Davao
