TEMPORARYONG giundang sa General Santos City ang pagbakuna sa mga senior citizen samtang naghulat sa pag-abot sa bakuna.
Sa datus gikan sa City Health Office (CHO) gikan sa 18,000 plus senior citizen nga eligible recipient sa bakuna kontra COVID-19.
Naa pa lang sa 1,301 ang nabakunahan nila gikan 1,208 vials sa Sinovac vaccine nga alokasyon alang sa priority group A2.
Ang uban nga bakunang gigamit ang nahibiling bakuna gikan sa unang priority group nga nabakunahan.
Una nang, giangkon ni Dr. Rochelle Oco, labaw sa CHO nga padayon ang ilang paghulat sa dugang alokasyon sa bakuna. Samtang mokabat na usab sa 10,464 ang nabakunahan na nga senior citizen sa tibuok rehiyon, base sa datus sa Department of Health (DOH) sa Soccsksargen. – Rich Gubalani
