Gin-anunsyo sang Civil Service Commission (CSC) Capiz Field Office nga magasugod na sila sa pagbaton sang aplikasyon para sa Civil Service Examination Pen and Paper Test (CSE-PPT) sa Agosto 11, 2024.
Maga-umpisa na sa Mayo 13 tubtob Hunyo 13 sa mga luyag magfile sang application pinaagi sa First-Come, First-Serve basis kag igasirado ini sa tion nga malab-ot na ang target numbers.
Mahimo naman makafile ang mga interesado nga aplikante sa ila talatapan sa ESLA, Barangay Lanot, Roxas City ukon pinaagi sa mobile acceptance nga pagahiwaton sa mga naka-skedyul nga venues sa CAPSU-Main Campus, banwa sang Mambusao, Sigma, Pilar, Pontevedra, Tapaz, Cuartero, kag sa isa ka dako nga mall sa Lawaan.| Ken Mark Gicalde