GIKANSELA na ang gitakdang pagbisita sa Coordinated Operations To Defeat Epidemic (CODE team) sa GenSan. Una nang, gibutyag ni Mayor Ronnel Rivera nga mobisita sa Hulyo 21 nga pangunahan ni National Task Force (NTF) against Covid-19 Chief Implementer, Secretary Carlito Galvez Jr..
Ang pagkansela sa gikaengong pagbisita sa mga opisyal sa nasud ang gipagawas sa LGU.
Rason niini sa pagkansela mao ang pag-usab sa schedule sa cabinet meeting ni Presidente Rodrigo Duterte. Gikaengong tumong sa pagbisita sa siyudad sa Code team mao ang pag-inspeksyon sa mga isolation facilities sa tibuok rehiyon.
Lakip ang pakigpulong sa mga lider gikan sa mga lugar sa Soccsksargen kalabut sa ilang Covid-19 response. Kahibaloan nga nangayo ang siyudad og 5,000 vials sa bakuna aron ibakuna naa sa fishing industry ug trabahante sa fishport isip vital installation sa dakbayan. ( Richel Gubalani)