LEGAZPI CITY – Plano kan lokal na gobyerno kan Legazpi City katuwang an Legazpi City Water District (LCWD) an pagbubugtak nin Bulk Water Facility ngunyan taon 2024.
Ini an sinabi ni City Mayor Geraldine Rosal sa intrevista kan Brigada News FM Legazpi.
Segun sa alkalde, sa Brgy. Taysan an target na lugar na pagbubugtakan kan nasambit na pasilidad.
Alagad pighahalat na sana an lote o daga na pagbubugtakan kaini na babakalon kan LCWD.
Piglalaoman man kan lokal na gobyerno na magigibo ngunyan na taon an nasam pasilidad huli ta dakula ining katabangan asin kasimbagan sa kakulangan sa supply nin tubig sa mga kaharongan orog na sa upland barangay.
Segun pa sa alkalde, matao nin pondo an lokal na gobyerno nin 50 million pesos para sa proyekto nganing mapunan na ngunyan na taon.