GIKABALAKA sa mga opisyal sa kapulisan ang pagsaka sa ihap sa loose firearms sa rehiyon-12.
Matud ni Police Col. Edison Dumangcas, chief Regional Civil Security (RCSU) 12 sa datus as of January ning tuiga, 12,000 ka pusil ang gikonsidera nilang loose firearms.
Kini human nga pakyas makarenew sa lisensiya sa ilang pusil ang nanag-iya niini. Samtang sa bahin ni Police Col. Nicomedes Olaivar Jr., director sa GenSan City Police Office (GSCPO) kini ang rason sa pagpakusog sa kampanya nila batok loose firearms.
Sama sa Oplan Katok, Oplan Kapkap ug pagpangronda sa personalidad nga nasuta nga dunay dili lisensiyadong pusil.
Apan duna usab misurender sa ilang armas sama sa kanhi miyembro sa local terrorist group ug sekyu sa GenSan. Ang pagpakusog sa mga operasyon ang aron masikop ang nagdala og loose firearms sa siyudad. I Richel Gubalani