LEGAZPI CITY – Tinawan-doon ni Kapitan Armando Toledo kan Brgy. Bogtong, syudad nin Legazpi na bako man ‘cruelty’ an pagdakop ninda ki mga nagbabaralagaw-bagaw na ayam katakod kan inilunsar nindang BROD asin BRODET program sa saindang barangay.
Sa intrevista saiya kan Brigada News FM Legazpi, sinabi niya na properly implemented an nasambit na programa, kun sain, nagtagama sinda ki budget na maabot sa PHP250,000 para sa mga gagamiton sa dog catching.
Segun sa kapitan, wara ki nangyayaring cruelty o pangungulog sa lambang pagdakop ki mga ayam.
Bako man su boot madali an pagdakop sa mga nagbabaralag-balag na ayam kaya ngani nagbakal sinda ki mga gamit para sa kaligtasan kan tanod na madakop.
Pigsiyerto ni Toledo, an nadadakop nindang ayam, nasa maray na kamugtakan asin pigpapakaon ki tama mantang naghahalat na may mag-claim o mag-adopt.
Nangangapodan man ini sa mga mawot mag-ataman asin mag-adopt ki ayam na makipagkoordinar sana sa saindang barangay.