Paggamit sa underground water gikan sa surface water gikonsidera sa COWD

Gikonsidera karon sa Cagayan de Oro Water District ang paggamit sa underground water gikan sa surface water isip water supply sa syudad.

Sumala ni COWD General Manager Engineer Antonio Young nga gitun-an nila ang pagdugang og buhat sa water treatment plant aron magamit sa pag-treat sa tubig sa suba aron mahimong potable waters.

Apan giklaro niini nga sa pagkonsidera nila sa maong lakang, nagkinahanglan pa kini sa pundo, butang nga ilang gipangitaan karon og source kung asa mamahimo nga makakuha sa pundo alang niini.

Gawas niini, nakig-koordinar nasab ang COWD sa ubang players nga makuhaan sa bulk water supply aron makab-ot sa hingpit ang demand sa mga konsumante sa syudad.