OLONGAPO-Naniniwala ang Commission on Population ng Olongapo na case-to-case basis ang paghikayat sa mga community pantry organizers na magbigay rin ng contraceptives.
Ito ay dahil may mga lugar namang accessible ang mga health center kaya di na kailangan pang pumila sa community pantry para kumuha nito tulad ng condoms o pills.
Ayon kay Dra. Leslie Ann Palma ng POPCOM Olongapo, sa lungsod ay mayroong health center halos lahat ng mga barangay at satellite center.
Dito ay libre naman itong ibinibigay sa mga nangangailangan at dapat na mabigyan.
Matatandaan na hinikayat ng POPCOM national ang mga pantry organizers na isama sa mga necessary goods ang contraceptives pero dapat ay makipag-ugnayan sa mga local health officials.//Jen Bayot-BNFM OLONGAPO