LEGAZPI CITY – Liwat na ibubusol ngunyan na taon kan lokal na gobyerno kan Daraga an pagigin syudad kan nasambit na banwaan.
Ini an kinumpirmar ni Mayor Awin Baldo sa sarong press conference, kun sain saiyang iniheras na pighahalat na sana ninda an kumpletong listahan kan mga rekisitos asin saiyang tinawan-duon na kun an magigin criteria iyo an total na populasyon, land area asin an nage-generate nindang income, naabot o nakompleto na ninda ini.
Durante kaini, sa liwat sindang ma apply asin mapasa na nin mga magkakanigong dokumentos nganing maiproseso na sa sangguniang panlalawigan.
Meintrastanto, saiyang sinabi na dati na man na may aplikasyon kaini sa kongreso alagad nabago kaito an mga rekisitos pero ngunyan pwedesir na giraray mag-apply.
Sa ngunyan, naglalaom si Baldo na magigin syudad na an Daraga sa masunod na taon.