Pagtukod sa Davao Occidental General Hospital hayag na

Nalipay ang mga residente sa  Malita,  Dvo occidental human nakalusot sa ulahing pagbasa sa senado ang katukuran sa  Davao Occidental General Hospital.

Sa boto nga 23-0, gipaboran ang pagtukod sa maong balay tambalanan kansang plano gipanday ni

Congresswoman Lorna Bautista-Bandigan, ang Representative sa lone Congressional District sa Davao Occidental.

Nahimong inspirasyon sa maong ospital ang kahimtang sa mga residente kungdiin mobyahe pa  ug 201 ka kilometros sulod sa upat ka oras  aron maka abot sa tertiary hospital sa Dvo City.

Nagpasalamat si Bandigan sa gipakitang suporta ni Senator Bong Go, ang chairperson sa Senate Committee on Health, uban sa pag back-up ni Senate Minority Leader Franklin Drilon aron ma-aprubahan ang HB 7321 ug ang SB 1616, ang katukuran sa Davao Occidental General Hospital sa Brgy. Lacaron.

Si Drilon ug Go nisugot nga kuhaon ang budget niini sa 2022 national budget.

Wala nagduhaduha nga giaprubahan ni Go ang pagtukod sa maong balay tambalanan  sa lungsod sa Malita.

Leave a Reply

Your email address will not be published. Required fields are marked *