Itutuloy na ng city government ang paglalagay ng microchip sa mga alagang aso sa Olongapo.
Ito ay makaraang maobserbahan ng City Veterinary Office na epektibo ang paglalagay nito sa mga asong nasa tatlong barangay ng lungsod bilang bahagi ng pilot testing.
Ayon kay City Veterinarian Dr. Arnold Lopez, madaling nakikilala ang may-ari ng asong nakabitan na ng microchip kapag ang alaga ay nahuli ng mga tauhan ng barangay o ng city dog pound na pagala-gala sa mga kalye.
Dahil dito, gagawin na sa buwan ng Marso sa susunod na taon ang pagkakabit ng microchip sa halos tatlumpong libong bilang ng mga aso sa Olongapo.//Christian Andres-BNFM OLONGAPO
