Pagmuntar og swabbing area sa Magsaysay Park

Agresibo karon ang Davao City COVID-19 Task Force sa pagmuntar og swabbing area sa Magsaysay Park sa tinguha nag mapaspasan ang pagtest sa mga F2 ug F3 contacts lakip mga DQR-traced persons sa syudad.

Gibutyag ni COVID-19 Task Force spokesperson Dr. Michelle Schlosser, laraw sa lokal nga pangamhanan nga makapahigayon og mas daghang screening ug testing busa giandam na ang logistics ug manpower nga modumula sa swabbing area.

Sa higayon usab nag mahimo nang operational ang Magsaysay Park, bugtong mga F1 ug mga indibdiwal nga dunay influenza-like illnesses (ILIs) ang tutukan sa Sta. Ana swabbing samtang ang drive-thru swabbing sa Crocodile Park ang tahasan sa surveillance testing, F2 ug F3 nga walay influenza-like illnesses .

Gidugang ni Schlosser nga target sa matag swabbing center ang 700 hangtud 800 ka tawo nga maopailawum sa test kada adlaw busa dili layo nga makab-ot ang 2,000 test matag adlaw sahigayon nga magsugod na ang swabbing area sa Magsaysay Park.

Hinoon gitataw sa opisyal nga mamahimo pa gihapong mo-avail sa reverse transcription-polymerase chain reaction (RT-PCR) testing sa private laboratories apan duna kini bayad nga P4,500. BNFM-Davao

Leave a Reply

Your email address will not be published. Required fields are marked *