GIPANGUNAHAN sa 19th City Council ning siyudad sa Cagayan de Oro ang pagpadangat og pahisubo sa pagtaliwan sa pikas kinabuhi ni Konsehal Teudolfu ‘Bong’ Lao Jr., kagahapong adlawa.
Basi sa mga social media post nila Cagayan de Oro Vice Mayor Rainier Joaquin ‘Kikang’ Uy gihulagway niini si Konsehal Lao isip a reliable colleague, a dedicated public servant, and a humble person diin nagsilbi kining Chairman sa komitiba sa Public & Utilities sa iyahang ulahing termeno isip Konsehal sa ika-segundo distrito ning siyudad sa Cagayan de Oro ug nagsilbi usab si Konsehal Lao isip Brgy. Chairman sa Brgy. Lapasan ni-adtong tuig 1994 hangtod 2007.
Mipadayag usab sa ilang pahisubo ug ulahing pagdomdom sa panahong kauban pa nila si Konsehal Lao sila Konsehal Edna Dahino, Konsehal Suzette Daba, Konsehal Girlie Balaba, Konsehal Malou Gaane, Konsehal Ian Mark Nacaya, Konsehal Jay Pascual, Konsehal Edgar Cabanlas ug uban pang Konsehal ning dakbayan.
Hisayrang mitaliwan sa pikas kinabuhi si Konsehal Teudolfu Lao Jr., sa edad nga 61 gumikan sa gitoohang gihambin niini nga balatian diin kasamtangan kining gihaya sa Eternal Chapel & Mortuary Corp., Zone-4, Upper Bulua ning siyudad. – END – (AD)