IBAWAL na sa GenSan ang pagpahid og dugo sa baboy sa mga tindang isda ug ubang marine products.
Kini dungan sa pagduso og ordinansa ni Konsehal Orlando ‘Odyok’ Acharon ang ordinansa kalabut niini.
Dungan usab sa viral post sa social media, siyam ka bulan ang milabay asa nakita ang usa ka fish vendor nga nagpahid og dugo sa baboy sa tindang isda aron mahimo kining presko lantawon.
Sa bahin ni Noriahma Musa, sukad nahitabo ang insidente wala na siya’y salig sa pagpalit og sliced nga tuna sa palengke. Apan tungod sa giduso nga ordinansa sa konsehal naglaom si Musa nga masiguro nang dili na masubli ang hitabo.
Tungod alang sa kaigsuonang Muslim, pagkawalay respeto ug inhustisya ang gihimo sa maong vendor dili lang kanila kung dili lakip na sa ubang religious group asa bawal kanila ang pagkaon og karneng baboy.
Dugang ni Brey De Guzman, fish vendor nga hangtud karon hinay gihapon ang ilang palit human nahitabo ang insidente.
Ang ordinansa ang isalang na sa final reading sunod sesyon, kung hingpit na kining mahimong balaud sa siyudad, multa ug revocation business permit ang mahimong silot. I Richel Gubalani