GIKA-ALARMA karon subli sa Probinsiya sa Misamis Occidental human gipusil si Calamba Mayoralty candidate George Matunog atol sa opening sa 7-Eleven Convenience Store sa maong Municipalidad.
Hisayrang basi sa CCTV footage nga gisapubliko ni Joshua Matunog buntag kagahapong adlawa samtang gabaklay ang biktima kalit na lamang kining gipusil nga gikatumba ni George Matunog sa gitoohang riding in tandem nga kalit misibat sa wala pa masuta nga dapit.
Dali kining gidala na sa Calamba District Hospital og matud pa nga e forward kini sa Mayor Hilarion A. Ramiro Sr. Medical Center sa Ozamiz City.
Diin nagpadayon pa gihapon ang mga otoridad sa ilahang imbistigasyon sa motibo sa pagpamusil ingon man gipatuman ang hot-pursuit operation batok sa suspetsadong riding in tandem.
Mahinomdumang niadtong Desyembre 22, tuig 2021 patay si Lopez Jaena, Mis. Occ. Mayor ug magpapili pagka bise gobernador Michael Gutierrez human na igo sa pagpamusil samtang gipahigayon ang Christmas party sa Tangub City. – END – (AD)