Posibli nga pagpang-daot lamang ang misiaw karon nga mga scammers o mga gapang-gamit og ngalan sa politiko aron makahimo og reservation sa usa ka food establishment.
Kini homan usa ka politiko dinhe sa Cagayan de Oro ang nabiktima sa maong modus diin gigamit ang pangalan niini lakip ang tingog aron katuohan matud pa nga siya ang nagpa-booked alang sa reservation.
Tungod niini, gibutyag ni Cagayan de Oro City Police Office Spokesperson Police Major Evan Viñas nga nakig-alayon na sila sa local government unit sa syudad.
Samtang gipa-alerto ni City Director Police Colonel Aaron Mandia ang tanang station commander, mga politiko ug mga business sector nga magbinantayon batok sa mga suspek.
Panawagan lamang karon ni Major Viñas sa katawhan ang kooperasyon aron malakag ang responsabli sa maong insidente.