USA ka opurtunidad sa mga kapitan kon ugaling nga mahimong hingpit nga dili na madayon ang SK ug barangay election sa Disyembre 5 sa kasamtangan nga tuig.
Kini ang nahimong reaksyon ni Kapitan Pao Natividad sa barangay Apopong human nga nakalusot sa ikaduhang pagbasa sa Kongreso nga nagapaoktaba sa maong aktibidad gikan sa Disyembre 05, 2022 hangtod sa unang Lunes sa samang bulan sa 2023.
Segon ni Kapitan Natividad nga pinaagi sa maong katikaran maimplementar na ang mga proyekto nga wala niini nahimo sa sulod sa duha ka tuig tungod sa nasinatian nga pandemya tungod sa Covid-19.
Dugang pa sa kapitan nga ugaling malugwayan ang ilang termino, ipatuman niini ang Bayanihan System gikan sa Economic Recovery System karon nga tuig.
Sa naasoy nga sistema ginaaghat niini ang mga kabarangay nga magtinabangay tungod sa plano niini nga mupalit og heavy equipments aron nga magamit alang sa pag-ayo ug paghimo sa mga kanal ug pagpasemento sa nahisgotan nga barangay tungod kay dako pa ang gikinahanglan alang niini. I Danny Casi