Napagkasunduan ng Pilipinas at Brazil na mapalakas pa ang defense cooperation ng dalawang bansa.
Ito ang napag-usapan sa introductory call ni Brazilian Ambassador to the Philippines Gilberto Fonseca Guimaraes de Moura kay Defense Secretary Gilbert Teodoro.
Sa paguusap ng dalawang opisyal, binigyang diin ni Sec. Teodoro ang kahalagahan ng pagtutulungan ng Pilipinas at Brazil para tugunan ang common Security challenges ng dalawang bansa
Tiniyak naman ng Ambassador ang commitment ng Brazil na makipagtulungan sa mga bansa sa Indo-Pacific Region, at sa Association of Southeast Asian Nations (ASEAN).
Partikular sa palalakasin sa defense cooperation ang larangan ng logistics and defense industry collaboration, information sharing, counter-terrorism, at humanitarian assistance and disaster relief (HADR).
Ang Brazil ang kauna-unahang bansa sa South America na may pormal na kasunduang pandepensa sa Pilipinas.