Aminado ang City Health Office nga natala karon sa syudad sa pagsaka sa kaso sa COVID-19 ning milabayng mga adlaw.
Apan giklaro ni Dr. Ashley Lopez, City Health Officer, nga dii kini timailhan nga dunay surge sa kaso inay tungod kini sa gipakusgang surveillance testing ug contact tracing.
Sukad gisugdan ang testing hantud Mayo 7, anaa na sa kapin dos mil ang natest kung diin 67 niini ang nagpositibo ug gilauman nga posible pa kining madugangan gumikan sa nagpadayong survellance testing sa nagkadaiyang barangay, mga buhatan, establisyemento ug high riusk individuals sama sa mga PUV, food and service delivery drivers.
Sa laing bahin, gibutyag sa opisyal nga karong semanaha sugdan na ang pagbakuna sa mga senior Citizen ug dunay mga commorbidity.
Samtang lauman ang dugang suplay sa mga bakuna nga langkuban sa upat ka brand sama sa Sinovac, AstraZeneca, Sputnik V, ug Pfizer apan giklaro niini nga gamay lang ang alokasyon sa syudad sa Pfizer ug Sputnik V.