Tinuligsa ng Kilusang Mayo Uno (KMU) ang ginawang pagbasura ng Department of Labor and Employment (DOLE) sa posibleng panibagong wage increase ngayong taon.
Ayon kay KMU Chairman Elmer Labog, hindi katanggap-tanggap ang ginawang “preemptive” statement ni Labor Secretary Bienvenido Laguesma.
Kung maalala, ayon kay Laguesma kinakailangan pa raw “damhin” sa ngayon ang mga naunang umento sa sahod na pahayag ng KMU ay umaabot lamang sa P30-P50 na makakabili lamang ng halos isang kilong bigas.
Kasalukuyang nasa P573 hanggang P610 ang arawang minimum wage sa National Capital Region, ang pinakamataas na minimum na pasahod sa buong Pilipinas. Mas maliit ito sa iba pang mga rehiyon ng bansa.