LEGAZPI CITY – Sinagibo kasuudma nin hapon kan grupong Gabriela Bicol an pagselebrar sa International Women’s Day sa Peñaranda Park, syudad nin Legazpi.
Segun kay Nica Ombao, an Regional Coordinator asin tagapagtaram kan Gabriela Bicol, an saindang katuyuhan iyo an pagpangapodan ki Presidente Ferdinand Marcos, Jr. pag-abot sa trabaho kan mga kababaihan na kinakaipohan dugangan an sahod kan mga empleyado sa nasyon nin huli ta bako bastante an pigkikita huli ta nagraralangkaw an presyo nin barakalon sa merkado.
Apwera pa kaiyan, dapat tutukan kan administrasyon an pagpapababa kan barakalon sa merkado asin an presyo kan gasolina huli ta nauubos sana an kwarta para sa uroaldaw na pangangaipo.
Dae su boot nakakabuhay nin pamilya an sahod na PHP365-641 sa uroaldaw na pagkabuhay orog na kun an myembro kan pamilya nasa 5-6 na mga inidbidwal.
Tinawan-doon pa kaini, dawa an mga government employees asin mga nasa middle class, minaaray o minaagrangay sa mga barakalon.
Sinabi pa ni Ombao, kun pigsasabi kan Philippine Statistics Authority (PSA) na 3.1% na sana an inflation rate sa Bicol, halangkaw pa man giraray an presyo kan mga produkto siring kan bagas na uminabot sa PHP55-65 kada kilo na siya naman an mayormenteng kinakaipuhan sa lamesa uroaldaw.