Hindi pa nakikita ng OCTA research group ang pagtaas ng kaso ng COVID-19 bilang indikasyon ng surge.
Ginawa ng grupo ang pahayag matapos maitala ang 690 na kaso kahapon na siyang pinakamataas sa loob ng isang buwan.
Ayon kay OCTA research fellow Dr. Guido David hindi pa naman sila naalalarma sa pagtaas ng kaso subalit patuloy umano nilang binabantayan ang mga numero na may kaugnayan sa COVID-19.
Sa ngayon sinabi ni David na hindi pa nila maipaliwanag ang pagtaas ng bilang ng kaso pero duda silang dahil lamang ito sa backlog.
Bago maitala ang 690 na bagong kaso, sinabi ni David na nasa 400 na lamang ang average COVID-19 daily cases sa loob ng ilang linggo.