Palasyo: Duterte, di pa nakatangap ng kanyang 2nd dose ng Sinopharm jab

Kinumpirma ng Palasyo na hindi pa nakakatanggap si Pangulong Rodrigo Duterte ng kanyang second dose ng Sinopharm COVID-19 vaccine, dahil hinintay pa umano nito ang emergency use authorization (EUA) mula sa Food and Drug Administration (FDA).

Ayon kay presidential spokesperson Harry Roque, kaya kumuha ang Department of Health ng EUA ay para gamitin sa 1,000 donated na Sinopharm, kung saan kasama rin umano dito ang second dose ng pangulo.

Matatandaan na noong Mayo nang matanggap ni Duterte ang kanyang first dose, sa kabila na ang naturang bakuna ay wala pang EUA, bagama’t nagbigay ang FDA ng compassionate use para sa Presidential Security Group.

Dahil sa mga batikos, hiniling ni Duterte sa China na bawiin nalang ang 1,000 Sinopharm shots na ibinigay sa Pilipinas.

Pero noong Lunes, inaprubahan na ng FDA ang aplikasyon ng DOH para sa emergency use ng Sinopharm’s COVID-19 vaccine. // MHEL PACIA -TRINIDAD

Leave a Reply

Your email address will not be published. Required fields are marked *