Mata-o it 600 doses it Astrazeneca vaccine ro money remittance company nga Palawan Pawnshop para sa mga residente it probinsiya it Capiz.
Base sa pahayag ni Vice Governor James Magbanua, 300 doses dikara hay nakataeana nga ibakuna sa mga residente it probinsya, ag ro katunga man hay para sa mga empleyado it nasambitan nga kumpanya.
Angut man dikara, ginpasa eun it Sangguniang Panlalawigan ro resolusyon nga nagata-o it gahom sa Capiz Provincial Government nga magsuoed sa sangka Memorandum of Agreement (MOA) kaibahan ro Palawan Pawnshop.
Importante ro MOA bilang pormal nga pagbaton it Provincial Government sa mga donasyon nga bakuna.
Ro mga health personnel man it Provincial Health ro magahiwat it pagpabakuna sa mga empleyado it kumpanya./JIL B. LACSON