BICOL—Naglabas ng travel guidelines ang Provincial Local Government Unit of Catanduanes para sa mga APOR o Authorized Person’s Outside Residence na papasok sa islang lalawigan.
Batay sa Memorandum Order No. 139 series of 2021, tatlong mga dokumento lamang ang kinakailangang i-presenta ng mga APOR at kabilang dito ang Valid Travel o Mission Order; Company ID at Date of Return.
Ang mga APOR na magmumula sa mga National Government Agencies ay exempted o hindi na kinakailangan pang mag presenta o magpakita ng negatibong resulta ng RT PCR Test. Samantala, ang mga APOR namang walang kumpletong dokumento tulad ng mga paunang sinabi ay ikukunsidera bilang Locally Stranded Individuals o LSI at required ang mga itong magpakita ng negatibong COVID-19 test result gayundin ang mga APOR na hindi magmumula sa anumang ahensiya ng pamahalaan.
Ang naturang polisiya ay alinsunod sa IATF-MEID Omnibus Guidelines na ipinapayong ipasunod ng bawat lokal na pamahalaan lalo na ang mga probinsiya na may mataas na kaso NG COVID-19.
Kahapon, araw ng Martes ay 20 panibagong kaso ng sakit ang naitala sa islang probinsiya kung saan 11 sa mga ito ang mula sa kabiserang bayan ng Virac; tig-tatlo ang mga bayan ng Caramoran at San Andres; dalawa sa Baras habang isa naman sa bayan ng Bato.###
Nagbanaw sa kalasada ang sulod sa nangbuak nga soft drinks sa dihang nayabo ang delivery…
CAMARINES SUR- Napatalon, napahiyaw, at napaiyak sa saya si Judah Paulo Espero ng Camarines Sur…
Naguol ug nangayo og pasaylo ang driver sa v-hire nga nibuto ang ligid ug nalimbuwad…
CAMARINES SUR — Hindi pa nakikita ng Department of Trade and Industry Camarines Sur, ang…
CAMARINES SUR – Hindi pa masasabi ngayon ng Department of Education Camarines Sur, kung may…
Dead-on-arrival ang 16-anyos nga magtutungha human aksidenteng mibangga ang gimaneuhang motorsiklo sa nakaparadang crane bandang…