Naiuwi ng pambato ng Pilipinas na si Shane Tormes ang korona sa ginanap na Miss Global 2022 sa Bali Nusa Dua Convention Center sa Indonesia.
Si Tormes ang ang kauna-unahang Pinay na nakasungkit ng titulo sa naturang international pageant.
Sa kanyang Instagram post, sinabi ng beauty queen na proud siyang tawaging ‘Pinay’ at masaya siyang irepresenta ang ating bansa.
Samantala, kinoronahan naman si Sandra Lim mula Malaysia bilang 1st runner up, 2nd runner up naman si Brooke Rankin ng Australia habang 3rd runner up naman si Sandra Boriseviciute ng Lithuania at 4th runner up si Natalia Gurgel ng Brazil. (ARGIE ERGINA)