Nag agto sa Kalibo MPS ro sangka babaye para magreklamo matapos segun nga makabatun it maeain nga mga tinaga ro anang pamilya may kaangtanan sa anang utang.
Sa report it owa ginpangaeanan nga complainant nga sangka 43 anyos ag taga Kalibo, nag utang raya pinaagi it online ku nagtaliwan nga buean sa balor nga P1,500.
Pero bangud sa napaseawan raya nga magbayad, sangka certain Marco Sesson ro ginasugid nga nagtawag sa anang pamilya ag nagbuhi it mga maeain nga tinaga.
Reklamo pa it nasambit nga complainant nga may access si Sesson, sa tanan nana nga text messages sa anang cellphone. // ANN DESLENE SALAZAR