LEGAZPI CITY – Tulos na nagpaabot nin tabang an Department of Social Welfare and Development (DSWD) Bicol sa nawalat na mga kaparyentes kan pamilyang nagadan huli sa kasulo sa sarong harong sa Sitio Matagba, Brgy. Kilicao kan Daraga, Albay kun saen limang katawo an nagadan.
Sa intrevista kan Brigada News FM Legazpi kay Claudio Villareal, Jr., Social Worker IV Disaster Response Management Division kan ahensya, sinabi kaini na masagibo sinda nin assessment katuwang an MSWDO Daraga tanganing hilingon an sitwasyon asin kun ano pa an pwedesir na maitatabang kan ahensya sa pamilya orog na sa 14 anyos na aki na nakasalbar sa insidente.
Hihilingon naman ninda kun pwedesir sinda makataong tabang sa burial assistance para sa miyembro kan pamilya.
Para naman sa nakasalbar na aki, tinawan ini kan ahensya nin food packs, bado asin gamit.
Dugang pa digdi, hihilingon ninda an magigin resulta kun ano pa an maitabang sa aki siring kan educational assistance.
Apwera pa kaini, kung nangangaipohan man ki bulong pwedesir suboot na matawan sinda ki medical assistance. Pigsyerto kan ahensya na an gabos na asistensya, makukua kan pamilya.