Nagduda na ang pamilyang Panzan human sa ilang nakita nga dunay samad sa kilid si Dennis Panzan ug sa uban pang bahin sa lawas niini.
Kini ang gibutyag sa igsoon ni Dennis nga si Roldan Panzan, atol sa pakighinabi sa programang Tira Brigada.
Gisaysay niin nga adtong gikuha na si Dennis sa kapulisan sa Talomo human gi-turned over ni Brgy. Captain Benjamin Badon sa Matina Pangi, ug gidala sa Adventist hospital human nga sumala pa nawad-an sa iyang panimoot ug gideklarang nabugtoan sa iyang kinabuhi.
Dali silang miadto sa ospital aron nga i-claim ang iyang igsoon apan naunhan na sila sa kapulisan ug sumala pa nga dali kining gidala sa morgue aron nga i-autopsy.
Dugang pa ni Roldan nga sila ang pamilya ug sila lang ang dunay katungod sa patay’ng lawas sa ilang manghod, ug papirmahon pa sila og waiver nga ipailalom dayon sa otospsiya si Dennis apan wala sila misugot ug gikanayon nga ilang dalaon sa Cotabato si Dennis.
Kinahanglan sab sumala pa nga imbestigahan og tarung sa Talomo PNP labi pa nga una nang gibutyag ni Kap Badon nga lagsik pa kini una niya giturnover sa otoridad.
Buot na lamang sa pamilya karon nga mahinloan ang pangalan ni Dennis nga maoy biktima, bahala na og dili nila makab-ot ang hustisya.
Kahinumdoman nga gitudlo si Dennis Panzan sa SITG-BRAGAS nga usa sa upat ka mga suspek nga milugos-patay kang Architech Vlanche Marie Bragas.