Gibarugan sa pamilya ni Dennis Panzan, usa sa upat ka mga gitudlong suspek sa Bragas Rape-slay case nga dakong bakak ang naggawas nga report nga gumikan sa pag-embalsamar hinungdan nga dunay samad sa kilid si Dennis.
Sa eksklusibong pahayag sa igsoon ni Dennis sa Brigada News team, gibutyag niini nga nakuha nila ang maong picture nga dunay samad sa kilid si Dennis usa ka adlaw una kini gi-embalsamar.
Dugang pa sa kabanay nga wala dayon sila misugot nga ipa-imbalsamar ang biktima gumikan ila pang gipaabot ang desisyon sa ilang mga ginikanan kung musugot ba kini nga ipa-autopsy si Dennis.
Buot sab karon sa kabanay nga mupatigbabaw ang kamatuoran, gani ilakip sumala pa nila sa pag-imbestiga ang mga imbalsamador kung nagsulti ba kini sa tinood.
Dugang saysay sa igsoon ni Dennis nga sa ilang pag abot sa morgue, gibalot sumala pa kini pag-ayo,apan ila kining gipahaw-as og gipicturan ug didto ilang nakita ang daghang bun-og ug ang samad sa iyang kilid.
Apan kung tinood man nga nagbuot-buot sumala pa silag bangag bisan wala pa ang ilang approval, ila sumala pang ilakip sa pagpasaka og kaso ang mga embalsamador.
Emosyunal sab ang igsoon ni Dennis sa gidangatan niini diin naglisod pa sila og dawat sa kamatayon, ila pang hugaw-hugawan ang pangalan sa ilang manghod.
Buhaton sumala pa sa pamilyang Panzan ang tanan nga mahinloan ang pangalan ni Dennis bisan paman nga ang kamatuorang hustisya makab-ot lamang sa mga adunahan.