Nagpaguwa makarun it statement kaangto sa scam alert ro pamunuan it Aklan Police Provincial Office, kaangot sa paggamit it pilang indibidwal sa pangaean ni PCol Victorino Romanillos Jr., Provincial Director it Aklan PPO.
Gustong ipaabot it taeatapan it Aklan Provincial Director sa tanan nga si PCol Victorino Romanillos Jr., PD Aklan PPO hay owa naga tawag sa sin-uman nga pulitiko o pribadong indibidwal ag nagahimo it anumang sahi it transaksyon.
Maging alerto nga may mga indibidwal nga nagagamit it pangaean it PD Aklan PPO agud magpangloko it mga personalidad sa probinsya it Aklan. // ANN DESLENE SALAZAR