GIRONDA sa Alabel PNP ang usa sa ruweda sa pauwakan sa Barangay Baluntay, Alabel, Sarangani Province,tulo ka tawo ang nadakpan ug gikasuhan.
Sumala sa labaw sa Alabel PNP nga si PLtCol Reynaldo Delantein sila ang naghimo sa Anti Illegal Gambling Operation Oktubre 16 sa hapon gumikan sa impormasyon nga ilang nakuha nga adunay pauwakan sa lugar.
Nakuha sa kapulisan ang mga manok ug ruweda,lakip ang kwarta nga taya,nakadagan ang ubang anaa sa lugar samtang tulo ang nadakpan.
Ang gidakop ug gikasuhan silang Arnold Ante, 33-anyos; Dino Bagares,50-anyos nga taga Baluntay ug si Norman Usman, 33-anyos nga taga Sharif Mucsin, Brgy. Baluan.
Samtang si Ante ug Bagares nagsulti nga igo lang sila nga nitan-aw ug wala daw sila nagtaya,wala usab silay dalang manok.
Gipaklaro usab ni Delantein nga bisan pauwak sa manok basta adunay taya nakasupak gihapon kini sa balaud ug makasuhan sa Presidential Decree 1602. I Ver Diazon