SUBLING nibalik sa babayon sa Queen Tuna Park sa Barangay Dadiangas South ang usa ka pawikan aron nga mangitlog base sa pagkumpirma sa City Environment and Natural Resources Office kon CENRO.
Gibutyag ni Prince Tampus gikan sa maong buhatan nga pasado alas 5:30 sa buntag kaghapong adlawa, agi nalang sa pawikan ang ilang naabtan sa lugar ug ilang gisubay kung asa nahimutang ang gipangitlogan niini.
Gibutangan sa mga sakop sa CENRO og Kural ug karatula isip pahimangno sa publiko nga dili pwedeng hilabtan ang mga itlog sa pawikan.
Dugang pa ni Tampus nga sa mga nakalabay nga katuigan pipila na kahigayon nga nibalik sa Queen Tuna Park ang pawikan aron mangitlog ug karong tuiga mao pa kini ang unang higayon nga aduna na usab pawikan ang nangitlog sa maong lugar.
Nadisisyunan sa DENR nga magpabilin sa maong lugar ang mga itlog isip natural nest ug walay nakitang rason para ibalhin. I MJ Fernandez
Photo by Marlon Binarao