Sinaksihan ni Pangulong Ferdinand Bongbong Marcos Jr. ang isinagawang combined joint littoral live-fire exercise sa pagitan ng US Forces at Armed Forces of the Philippines sa bayan ng San Antonio, Zambales.
Ang naturang field training event ay bahagi ng Balikatan 2023 na layung magpahusay sa kapabilidad ng dalawang bansa sa mga operasyon na may kinalaman sa maritime security at territorial defense.
Pina-ulanan ng missile at iba pang malalakas na armas ang isang decommissioned Philippine Navy corvette gamit ang iba’t-ibang ground at air-based weapons systems.
Nilahukan ang naturang aktibidad ng nasa 1,400 Marines, sundalo, sailors, airmen at Coast Guardsmen kung saan kasama sa training ang pagdetect, pagtukoy, at pag-asinta sa isang target ship.
Kabilang sa mga mga bilateral weapons systems na ginamit sa pagpapalubog ng barko ay ang High-Mobility Artillery Rocket Systems o HIMARS, Avenger air defense systems, AH-64 Apache attack helicopters, Philippine Air Force FA-50 Golden Eagle fighter-attack aircraft, F-16 Fighting Falcons, U.S. Marine F-35B Joint Strike Fighters, at U.S. Air Force Special Operations Command AC- 130 Spectre gunship.
