Matapos makapungko bilang Acting Regional Director it Police Regional Office (PRO-6), ginpromisa ni PBGen Jack L Wanky nga pagatapnaon ro tanan nga kriminalidad sa komunidad.
Gin-engganyo it Regional Director ro tanan nga kapulisan para sa sangka honest-to-goodness law enforcement operation, partikular sa ilegal nga droga; agresibo ag regular nga pagpatigayun it checkpoint; pagpabaskug it police visibility ag beat/mobile patrol sa tanan nga lugar; ag pagpabaskug it kampanya ku mga lokal nga ordinansa.
Gusto man nana nga mapabilin it tanan nga opisyal it pulisya ro mayad nga relasyon ag pakikipagbueoligan sa mga Local Chief Executive, iba pang ahensyang nagapatuman it laye, ag komunidad para sa sangka participative ag productive environment.
Para sa mabisa nga panangga kontra sa kriminalidad, gin-engganyo ni PBGen Wanky ro paggamit it Force Multipliers, Advocacy Groups, BPATs, ag Barangay Support Groups ag pagbutang it CCTV Cameras sa mga pampublikong lugar, convergence areas, ag business and financial institutions. // ANN DESLENE SALAZAR