Magsasagawa ang Presidential Communications Operations Office (PCOO) ng Duterte Legacy Summit sa May 30 at 31 para ibahagi ang mga naging tagumpay ng administrasyon ni Pangulong Rodrigo Duterte.
Ayon sa PCOO, ang Duterte Legacy Summit na gagawin sa Philippine International Convention Center (PICC) ay ibabatay sa 10-point socioeconomic agenda ng gobyerno na kinabibilangan ng Security, Justice, Peace, Infrastructure Development, Economic Development, Climate Change Adaptation, Mitigation, Disaster Risk Reduction, Participatory Governance, at Human Development and Poverty Reduction.
Kaugnay nito, inaasahan na magbibigay ng kanyang video message si President Duterte, habang si Executive Secretary Salvador Medialdea ay magbibigay naman ng keynote speech, habang closing remark si Cabinet Secretary Melvin Matibag.
Sinabi ni PCOO Secretary at acting presidential spokesperson Martin Andanar, na ang two-day event ay ang kanilang magiging huling aksyon para pasalamatan at kilalanin ang ‘tapang at malasakit’ governance ni Duterte, kanyang Cabinet members, at lahat ng public servants na nagdala ng impactful changes at meaningful development sa mamamayang Pilipino.