LEGAZPI CITY – Pinakusog kan Philippine Drug Enforcement Agency (PDEA) Albay an saindang mga programang rehabilitasyon asin interbensyon pati man an padagos na pagmonitor sa mga drug cleared barangays asin mga munisipalidad sa probinsya.
Segun sa ahensya, apwera sa mga enot na programa, nagsasagibo pa sinda nin iba pang solusyon tanganing maibitaran an paglakop kan iligal na droga.
Tinawan-doon man sa nakalihis na full council meetings kan Provincial Peace and Order Council asin Provincial Anti-Drug Abuse Council, namamantenir kan ahensya an pagkoordinar sa nagkapirang law enforcement agencies siring kan Philippine National Police.
Mantang, sa paagi kan pakikisumaro sainda, mahihiling an pagpautob kan marhay asin epektibong mga programa.
Dugang pa digdi, an Barangay Drug Clearing Program an igwa nin sustainability phase na kada anom na bulan, pigva-validate kan PDEA, PNP asin iba pang stakeholders kun an mga barangay an malinig o nauulakitan pa kaya nagdadakol an mga kaso nin iligal na droga.
Mientrastanto, sa record kan nakalihis na Pebrero, nasa 46 na sana hale sa 721 na barangay an nagtetenir komo drug-affected barangays. | Brigada Intern FRANKLIN BANAYO