‘I’M more on conservation rather than utilization.’ Mao kini ang personal nga baruganan ni Bong Tuballes, Provincial Environment and Natural Resources Officer sa Sarangani Province kalabot sa isyu sa open pit mining sa Tampakan, South Cotabato.
Sa personal view matud pa niini dili isip environment officer, mas suportado niini ang kaayohan sa katawhan inay sa benepisyo nga mahatag sa pagmina labi na sa kung bungkagon ang bukid, ang tanan ang mahanaw usab.
Gani maayo matud pa nga pagtulon-an ang nahitabo sa Marinduque asa nahitabo ang usa sa worst mining disaster nga gipabayad ang mining corporation nga responsabli sa pagmina sa maong lugar.
Sa maong panghitabo matud ni Tuballes, tinuod nga dili gayud mapresyohan ang kinabuhi sa tawo ug kaugmaon sa mga bata nga maapektohan kung maguba ang kinaiyahan.