LEGAZPI CITY – Nakua kan gobyerno-probinsyal kan Albay an pang-onseng pwesto sa Awardees of the Philippine Creative Cities and Municipalities Competitiveness Summit ngunyan na taon.
Ini an nakuang pwesto kan PGA sa 82 na mga probinsya sa nasyon.
Kun marurumduman, kan nakalihis na taon nasa ika-15 an PGA.
Kaya, labi an pagpapasalamat ni Governor Atty. Edcel Grex Lagman sa mga kapwa niya empelyado kan gobyerno huli sa improvement na ini.
Piglalaoman niya na sa masunod na taon, makua naman an ika-10 pwesto.
Mientrastanto, sa kaparehong awarding, nakua kan lokal na gobyerno kan Legazpi sa pamayo ni Mayor Gie Rosal an parehong pangaduwang puwesto sa Most Competitive Component City in Government Efficiency Pillar asin Most Competitive Component City in Economic Dynamism Pillar, Top 3 Most Competitive Component City in Infrastructure Pillar asin Top 6 man sa Most Competitive Component City in Innovation Pillar.
Nakua man kan LGU Tabaco sa pamayo ni Mayor Krisel Lagman an Top 2 Most Improved Component City.