LEGAZPI CITY – Planong magtao kan gobyerno-probinsyal kan Albay nin maninigong suporta sa livestock owners na naapektaran kan pag-alburoto kan Bulkan Mayon.
Saro sa mga suportang pigkokonsiderar iyo an pagtatao nin mga gatasan na baka o milking cow sa mga paraoma.
Ini tanganing magamit an mga hayop para sa produksiyon nin gatas asin makatabang sa dugang na suplay sa Albay Dairy Plant sa Camalig.
Ini an mga lakdang na pigkokonsidirar kan Provincial Veterinary Office (AVO) segun kay APSEMO Head Dr. Cedric Daep.
Dakola kaya su boot na kapakinabangan sa mga paraoma an makukuang gatas hale sa saindang mga ataman huli sa halangkaw na demand sa suplay kaini sa naunambitang planta.