Malaki ang ibinaba sa bilang ng mga nanganak na kababaihan na may edad 20-taong gulang sa Pilipinas, simula noong 2003.
Ayon kay Commission on Population and Development Executive Director Juan Antonio Perez III, ito ay dahil sa epekto ng COVID-19 lockdowns at ang suspension ng face-to-face classes.
Batay sa datos, ang adolescent pregnancies ay bumaba ng 23,855 noong 2020 – na 13% drop, para sa naturang age group.
Sinabi ng POPCOM na ang malaking bahagi ng pag-decrease ay mula sa mga babaeng may edad 15 hanggang 19-taong gulang, na bumubuo sa 98.7% ng kabuoang adolescent births noong 2020 o 23,557.
Ang daily birth rate ng mga ina sa naturang age bracket ay bumaba mula sa 489 noong 2019 sa 425 noong 2020. //MHEL PACIA-TRINIDAD