Madasig na nga marespondehan sang mga otoridad ang mga pumuluyo nga nagakinahanglan sang bulig bangud may yara na sang mga closed-circuit television nga nahamtang sa palibot sang syudad.
Iga-monitor ini sang mga katapo sang Roxas City Police Station, Philippine Coast Guard, Bureau of Fire Protection, Traffic Management Unit kag Municipal Disaster Risk Reduction and Management Office.
Nahibaluan nga 48 tanan ka mga CCTV cameras ang nagapalibot sa sentro. Ang Phase 2 sang CCTV Units ang igapahamtang naman sa mga kabarangayan. Katuyuan sini nga mapadasig ang pagresponde sa mga insidente kag kriminalidad nga nagakatabo sa palibot sang Roxas City. | Judy Ann Juare