BICOL –IPINAHAYAG ngunyan kan Philippine Health Insurance Corporation o PhilHealth-Bicol na target nndang mairehistro an gabos na miyembro sa sarong accredited konsulta facilty na mapipili kan mga ini.
Segun ki PhilHealth-Bicol regional vice president Henry Almanon, sa siring na paagi mapapakinabangan kan mga ini an benepisyo kan nasabing programa.
Paliwanag kan opisyal an KonSulTa iyo an pinahiwas na primary care benefit kan Philhealth. Boot sabihon soboot igwang primary care provider na maataman sa salud kan mga Pilipino antes pa man ining magresulta sa malalang helang.
An pagpaparehistruhon soboot sa sarong konsulta facility iyo an base sa ipigtalaan kan Universal Health Care (UHC) Law. Paagi man soboot ini tanganing igwang doktor na masimbag sa pangangaipo asin magkaigwa nin continuity of care sa paagi nin referral na magigikan sa Konsulta facility.
Sa sarong konsulta accredited facility, an rehistradong miyembro iyo an pwediser na makapag-avail nin konsultasyon, health risk screening and assessment, piling laboratory tests pati na mga resetang bolong.
Dugang pa ni Almanon, an pagpaparehistro iyo an online.
Sa ngunyan soboot padagos sindang nakikipagkoordinar sa mga iba ibang mga local government units sa rehiyon tanganing matabangan sinda na maparikas an proseso.
An Konsulta package an pwedeng magamit magamit sa arinman na pampubliko o pribadong pasilidad basta ini an accredited bilang Konsulta facility kan Philheath.