Bumaba ang pwesto ng Pilipinas pagdating sa ranking ng passport sa mundo.
Nakuha ng Pilipinas ang ika-pitumpu’t walo mula sa mahigit isang daang bansa sa pinakabagong Henley Passport Index 2024.
Mas mababa ng limang puntos ang kasalukuyang ranking ng bansa, hanggang nitong Pebrero.
Subalit nananatili ang bilang ng mga bansang maaaring puntahan ng Philippine passport carriers nang visa-free sa 69 na bansa.
Ang nasabing survey ay base sa bilang ng mga destinasyong maaaring puntahan ng holder nang visa-free.
Samantala, nanguna sa naturang ranking ang France, Germany, Italy, Japan, Singapore, at Spain.
Huli naman sa listahan ang Afghanistan na mayroon lang dalawamput-walong bansa ang mapupuntahan para sa visa-free.