MISIRKO ug nahulog sa kanal ang usa ka pick-up truck sa Cabu,Purok 5, National Highway, Barangay Tambler, GenSan, Lunes sa buntag human niini gilikayan ang usa ka motorsiklo.
Matud ni Police Major Oliver Pauya, hepe sa Traffic Enforcement Unit (TEU) gikan sa Maasim, Sarangani Province ang pick-up nga padulong unta sa sentrong bahin sa siyudad. Dihang nakasugat ang motorsiklo sa lugar, gilikayan niini ang motor aron dili sila magkabangga apan hinoon nahulog ang sakyanan sa kanal. Sa karon, nagpaalim sa pribadong ospital ang duha ka sakay sa pick-up truck nga samaron sa insidente.
Migula sa imbestigasyon, butyag ni Pauya nga ‘human error’ ang hinungdan sa maong bangga. Giangkon ni Pauya nga sa kinatibuk-ang ihap sa bangga nga narekord nila, sagad hinungdan mao ang “human factor” or mali sa draybe, ang hinungdan sa road crash. Sagad sa ‘human error’ mao ang over speeding, bad overtaking ug bad turning.
Hinungdan nga subli niining gihingusgan ang pagpakusog pa sa paghatag og edukasyon sa mga motorsiklo ug likayan ang pag-agi sa fixer sa pagkuha og drivers licence. I Richel Gubalani