Sakop it ginpatigayun nga Community-Based Monitoring System (CBMS) kung siin nagabuoe it tubi nga ginagamit ag ginainom ro mga residente sa Kalibo.
Base sa datus it CBMS, kapin sa 85% it households sa Kalibo hay nagabuoe it andang tubi sa community water system pipe.
Ginhayag ni Mr. Peter S. Mangilog, Senior Statistical Specialist it PSA-Aklan nga 8.8% kara hay nagabuoe gihapon it tubi sa mga protected well o bubon; samtang 2.5% kara hay nagabuoe it tubi sa andang kaeapit baeay ag unprotected o open well.
Sa banwa it Kalibo, 74% it households hay nagabuoe it ginainom nanda nga tubi halin sa water refilling station samtang 20.5% ro nagabuoe it ginainom nanda nga tubi sa community water system samtang 1.2% ro nagainom sa bubon. // ANN DESLENE SALAZAR